SABAQ 16 Mutabe'at aur iska Hukm

SABAQ 16

Mutabe'at aur Iska Hukm متابعت اور اسکا حکم

Tareef/ Defination

Jab Kisi sanad me Kisi Rawi me Kisi Qism ka Aib Paya Jaye aur kisi Dusri sanad me Us Rawi ki Jagah koi Dusra Rawi uski Kami ko Pura kar de to yeh dusra rawi Pehle ka Mataaba Kehlayega. Aur Is Rawi ke yeh Support Pehle Rawi ki Mutabe'at Kehlayega. 

Example

Zaid ne Amru se suna, Amru ne Zahid se, Zahid ne Ashraf se aur unhone kisi Sahabi se Riwayat kiya. 

Zaid<Amru<Zahid<Ashraf<Sahabi

Ab agar isi Sanad me Mana ke Zahid pe Kisi Qism ki Jirah Lagai hai Mohaddis ne. Aur Hame Kisi dusri sanad is Tarah mil jati hai ki koi Dusra Rawi Zahid ki Jagah le le to yeh Zahid ki Mutabe'at Ho jayegi. Jaise

Aarif<Aslam<Afzal<Ashraf<Sahabi

Gaur kare, Pichli Riwayat me Zahid ne Ashraf se hi Suna tha, Magar Jab zahid par Jirah ho gayi to hame Ashraf tak Pahonchne ka Rasta Toot gaya. Lekin Dusri Sanad me Ashraf se Afzal Ne bhi wohi hadees suni hai. Yani Zahid ki Jagah Afzal ne Le Liya. To is se Hume Pata Chala ki Agarche Zahid Zaeef/Mudallis/Majhool hai. Lekin Pichli Riwayat me usne jo kuch bayan kiya woh Sahih hai Kyun ki Ashraf se Afzal ne bhi wohi chiz suni hai jo Zahid ne Suna tha. 

Isme Afzal jo hai Woh Zahid ke Mataaba hai. Yani Aslam ne Zahid ki Mutabe'at Kar di hai. Jis Rawi ki Mutabe'at kiya gaya, Yani jisko Support diya gaya woh Riwayat Usool e Hadees ke Mutabiq HASAN Legairihi ho Gayi. To hame Yaha se Hasan Legairihi ki Misal bhi Pata chal Gayi.