Sabaq 17
Ek aur Nuqta Mutabe'at se
Maan lo Dono Sanad me Ek-Ek zaeef ya Majhool Rawi Moujood hai.
Zaid<Amru<Zahid<Ashraf<Sahabi
Maana isme Zahid ka Hafza Kamzor hai Woh Zaeef rawi hai. Yani sanad me uper se Ashraf tak koi shubha nahi tha Magar unke shagird Zahid ke Hafze ki Wajah se Shak paida ho gaya ki ab niche jo riwayat aayi woh Zahid ne As it is forward kiya hai ya unse kuch galti ho gayi hai. Aur Dusri Sanad hume IS tarah mile
Arif<Amir<Afzal<Faisal<Ashraf<Sahabi
Isme Ashraf se hi Faisal ne bhi wohi Riwayat kiya hai. aur Bil ittefaq Faisal bhi hafze me kamzor hai. Yani Ek Ustad se 2 Shagirdo ne ek jaisi Riwayat bayan kiya. Aur Bil ittefaq dono kamzor/zaeef hai. Fir bhi Riwayat HASAN darje ko pahoch jayegi. Kyunki Agar ek se bayan me Galti ho gayi to dusre se wahi galti nahi hogi.
Haa Agar Faisal ne Zahid se alag Masla bayan kiya hota tab dono ki baat qabool na hoti kyun ki dono kamzor hai aur dono ki baat ek dusre se Alag hai to hamein yaqeen kaise aata ki Galti kaun kar raha hai. Lekin dono ki baatein ek jaisi hai to hame yaqeen hoga ki inki baat sahih hai.
No comments:
Post a Comment