Sabaq 6 Sahih Legairihi, Hasan Lezatihi, Hasan Legairihi

SABAQ 6

Pichle sabaq me humne Sahih Lezatihi ki Tareef Padhi.

Sahih Legairihi

Puri tareef Sahih Lezatihi ki hogi, Sirf isme rawiyon ke zabt me kami hogi. Yani jis riwayat me Puri sharte Sahih Lezatihi ki hon bus rawi ke zabt me agar kami hai Magar yeh kami Dusri Sahih Sanad ke Support Milne se Puri ho jaye to woh Sahih Legairihi ki category me aa Jayegi. 

Hasan Hadees ki Bhi 2 Iqsam hai

Hasan Lezatihi

Yani jis riwayat me Puri sharten Sahih Lezatihi ki hon, Bus rawi ke Zabt me agar kami hai. yeh Apni haisiyat me Sahih Lezatihi se Kamtar hai. Magar kisi Sahih Lezatihi ki sanad ki Tadaad badhane ke liye isko paish kiya ja sakta hai.

Hasan Legairihi

Jiski sanad me koi rawi Zaeef/Majool/Mudallis ho. Magar Dusri Sanad se us rawi ki Mutabeat ho haye

Sahih Legairihi aur Hasan Lezatihi me Kya Farq hai?
Sahih Legairihi me rawi me sirf zabt ki kami hoti hai, Lekin Rawi Adeel hota hai aur yeh zabt ki kami kisi dusri sanad se puri ho jati hai. 

Jabki Hasan Lezatihi woh hai jisme Rawi me Zabt ki Kami hai aur yeh kami baqi rehti hai yani dusri kisi sanad se Puri nahi hoti. Hasan Lezatihi Apni zaat ke aitbar se Hasan hoti hai. ke isme Halka sa zauf Hota hai sahi ke sharayt jo pura karne me. Aur yeh Kisi ke Support ke bina hi HASAN hoti hai.

Sahi Legairihi me Hasan Riwayat ko Support milta hai Yani Hasan Lezatihi Ek Riwayat hai ab isko mazeed asnad se support milega to woh Sahi Legairihi ban jayegi

NOTE
Jab bhi Legairihi ka lafz sath me aa jaye to samajh lena ki yeh kisi dusri sanad ya Matan ke support me hai. Chahe Sahi Legairihi ho ya Hasan Legairihi